JoUrneY oF LiFe!

Zindgi k safar may ab tak
jo main ney jana
wo tum bhi sun lo,

jo khawab daikhay
adhoray hain sub

jo manzilain hain
wo baynisha'n hain

jo chahtain hain
wo la'zama'n hain

Zindgi k safar may ab tak
uljhi uljhi si zaat meri
na din meray
na raat meri,
sheh meri
na maat meri

Zindgi k safar may ab tak
jo main ney jana

Wehshatoo'n may ghira huwa hoon
uljhanoo may khara huwa hoon

sarab manzil kay hain nazar may,
aabla paa hain safar may,
bikhra bikhra wajood mera
uljha uljha sakoot mera
beyyaqeeni k aalam may socho
koi tau ho ga maseeha mera,

Zindgi kay safar may ab tak
jo main nay jana
wo tum bhi sun lo
jo khawab daikhay, jo manzilain hain
udhoray hain sub, wo baynisha'n hain
wo la'maka'n hain wo wo la'zama'n hain
Zindgi k safar may ab tak