tum hum say kehtay rehtay ho
kuch socho or kuch ghaur karo
hum azli socho'n k maleek
her baat pay socha kertay hain

tum aaj haqeekat kehtay ho
hum guzray kal k panchi say
her aaj ka qisa suntay hain
tum phir bhi hum say kehtay ho
kuch socho or kuch ghaur karo

hum azli socho'n k maleek,
her baat pay socha kertay hain

hum soch ki pagdandi kay kantay
paao'n may lay ker chaltay hain
or neend may un ko buntay hain

yay khawab sahi,
aazaar sahi
per sath humaray bastay hain
tum phir bhi hum say kehtay ho
kuch socho aur kuch ghaur karo

hum azli socho'n k maleek
her baat pay socha kertay hain

ek boond lahoo ke seenay may
ek aanch jalaye rakhti hay
ek thandi sul'gti chingari
ek raag uthaye jati hay
tum phir bhi hum say kehtay ho
kuch socho aur kuch ghaur karo

hum azli socho k maleek
her baat pay socha kertay hain
her baat pay.....................